In Memoriam

In Memoriam Rob Lassauw (11.januari 1962 – 17 juli 2010)

Der Rob woar nit alleng unne vrund, mer hea woar och noadat hea in der sezong 2006-2007 als Prins Rob II proklamiert woad mit ut janse hats karnevaliest. Noadat hea aafjetroone woar als Rob II hat hea ziesj als jardiest beej de Prinsejarde Vols aajemeld.

Dat der Rob krank woar dat woosse vuur allemoal, mer doch hoawe vuur nit jedaat dat
hea ezoë flot van oos moeët joa. Zienge doeëd koam veur oos doch onverwaat.

Der Rob woar leavensloestiesj en unne optiemiest, hea dong och veul moeziek maache.
Woar ut vreujer in de moeziek als trommeler, zoë speëlet hea als Basjietarist
seit 2008 in de jroep Vuss Loss.

Zie prinsemotto waor jo och „ Mit veul sjpass en hoemoor, viere vuur deuresj et
janse joar“

Der Rob hoaw och jeng linkse heng. Hea dong bilder moale en alles zelf verbaowe. Zieng vrauw ut Pascalle hat lets noch zweeij bilder van der Rob beeij der Jan Veer lotte opwerke, die hange noe in der Auberge napoleon op.

Zieng dreume hat der Rob jeleavt: als matroes uvver de wealtmeere, duiken, fotojrafiere, moeziek maache, koache in ut restaurant, prinscarnaval, jardiest en nit tse verjease eejeman van ut Pascalle en pap va unne jroese zoon der Roel…..

Wenn iesj hem beeij de jarde unne biernaam huuj jeffe musse, da weur dat mit zisjerheed „Der Optiemiest“ jewoade

Vuur vermisse diesj Rob

Jesjreëve durresj zienge betste vrund en jardiest, d’r Klaus